Thursday, June 5, 2008

കാണാതാവുന്ന പെണ്‍കുട്ടികള്‍

സരള,ശാരദ,സൈനബ
അവസാനം കാണ്മാനില്ലാത്തതു
ഇവരാണത്രെ.

വെളുപ്പിനിറങ്ങിയവള്‍,
ഉച്ചക്കു തയ്യലിനു പോയവള്‍
വൈകീട്ടു ചന്തക്കു പോയവള്‍
ഇറങ്ങിയ സമയമിങ്ങനെ
തരം തിരിച്ചിട്ടും
ആരും തിരിച്ചെത്തിയിട്ടില്ല.

ഡ്രൈവറാണത്രെ കാമുകന്‍,
പാറപ്പണിക്കാരന്‍ തമിഴന്‍
നോക്കിച്ചിരിച്ചത്രെ..
കുപ്പിവളക്കാരനോടു
കിന്നാരം പറഞ്ഞത്രെ...

കേസുപുസ്തകം മറിച്ചിട്ടും
വീണ്ടും പേരു ചേര്‍ത്തും
ഏമാന്മാര്‍ കേസിനൊരു
തുമ്പുതപ്പി,ഒടുക്കം പറഞ്ഞൂ..

വിറ്റുപോയിട്ടുണ്ടാവും ചന്തകളില്‍
തീരത്തു വീര്‍ത്തടിഞ്ഞീട്ടുണ്ടാവും
തിരിച്ചറിയാതെ....

വിതുമ്പിക്കരഞ്ഞൂ അമ്മമാര്‍
പെറ്റവര്‍ക്കറിയാം നൊമ്പരം
പെണ്ണൊരുത്തി
പടിയിറങ്ങിപ്പോയതിന്റെ..

ഷൈലജ,നഫീസ,....
കാണാതയതല്ല
കണ്ടവരെയാണത്രെ
കാണാതായതു.


എന്റെ ഈ കവിതക്കു പവിത്രന്‍ തീക്കുനിയുടെ വാണിഭം എന്ന കവിതയുമായി സാമ്യതകാണുന്നുണ്ടു.കാണിച്ചു തന്ന അനോണി ക്കും ഷംസിനും നന്ദി.
ഇനി ഈ പോസ്റ്റ് ഒഴിവാക്കണമോയെന്നു വായനക്കാര്‍ക്കു തീരുമാനിക്കവുന്നതാണു.
പവിത്രന്‍ തീക്കുനിയുടെ കവിത യുടെ ലിങ്ക് താഴെ കൊടുത്തിരിക്കുന്നു.

http://indulekha.com/malayalambooks/2006/10/theekkunikkavithakal

18 comments:

ആമി said...

ഹാരിസേ ആദ്യത്തെ തേങ എന്റെ വക..........

നന്നായിരിക്കുന്നു

ഫസല്‍ said...

കൊള്ളാം ഹാരിസേ..............

സാബിത്ത് said...

നൈസ് കവിത
ഞാനേ, ഒരു പുതിയ ബ്ലോഗ് തുടങ്ങി. ഒന്ന് വന്നു നോക്കണേ!!!

പാമരന്‍ said...

കൊള്ളാം

കരീം മാഷ്‌ said...

നന്നായിരിക്കുന്നു

ശ്രീ said...

നന്നായിരിയ്ക്കുന്നു.
:)

ശെഫി said...

എന്റെ ഹാരിസേ ഇത്ര സരളമായ ഭാഷയില്‍ നിനക്കെങ്ങനെ ഇത്ര ശക്ത്മായി പാടാനാവുന്നു.

OAB said...

പണ്ടൊക്കെ പത്രത്തില്‍ കണ്ടവരുണ്ടോ എന്നെഴുതി ഒരു പരസ്യം കൊടുത്താല്‍ മതിയായിരുന്നു. ഇന്നാണെങ്കില്‍ അതിനായി ഒരു പേജ് തന്നെ മാറ്റി വക്കേണ്ടി വരും. നന്നായി ആശയം.

lakshmy said...

നല്ല വരികള്‍

ഹാരിസ്‌ said...

പലപ്പോഴും കവിത എഴുതുന്നതെന്തിനു വേണ്ടീ എന്ന സംശയത്തിനു നിങ്ങളുടെ ഗൌരവമായ വായന തന്നെയാണു അതിനുള്ള ഉത്തരം.
അതു തന്നെ യാണു പ്രചോദനവും.

കെ ജി സൂരജ് said...

Comrade...

Nannaayi...

Anonymous said...

haaris...പവിത്രന്‍ തീക്കുനിയുടെയ്...
...വാണിഭം ..
എന്ന കവിത ഒന്നു വായിച്ചു നോക്കു....

..shams

Anonymous said...

http://indulekha.com/malayalambooks/2006/10/theekkunikkavithakal_26.html

..this is the path...
...sHAMs...

Anonymous said...

എന്റെ കവിത പവിത്രന്‍ തീക്കുനിയുടെ വാണിഭം എന്ന കവിതയുമായി സാമ്യം പുലര്‍ത്തുന്നു.
തികച്ചും യാദ്രുശ്ചികമാണെന്നു പറയട്ടെ.
ഞാന്‍ ആ കവിത വായിച്ചിരുന്നില്ല.
പിന്‍വലിക്കണമെന്നു വായനക്കാര്‍ പറഞാല്‍ ഞാന്‍ തയ്യാറാണു.
http://indulekha.com/malayalambooks/2006/10/theekkunikkavithakal_26.html

ഹാരിസ്‌ said...

എന്റെ കവിത പവിത്രന്‍ തീക്കുനിയുടെ വാണിഭം എന്ന കവിതയുമായി സാമ്യം പുലര്‍ത്തുന്നു.
തികച്ചും യാദ്രുശ്ചികമാണെന്നു പറയട്ടെ.
ഞാന്‍ ആ കവിത വായിച്ചിരുന്നില്ല.
പിന്‍വലിക്കണമെന്നു വായനക്കാര്‍ പറഞാല്‍ ഞാന്‍ തയ്യാറാണു.
http://indulekha.com/malayalambooks/2006/10/theekkunikkavithakal_26.html

Sureshkumar Punjhayil said...

Good Work. Best Wishes.

Jean Jelen said...

..those lines touching heart may hurt, but it cures the wounded..

girishvarma balussery... said...

തീക്കുനിയുടെത് നോക്കിയില്ല... ഇത് കണ്ടാല്‍ മതി...
ഇതില്‍ നിന്ന് തന്നെ തീ വമിക്കുന്നല്ലോ..