Sunday, October 4, 2009

അറിയാത്തവന്‍ ( ജ്യോനവന്‍ നിനക്കായി)

MSL





മരണമെഴുതി
വെന്റിലേറ്ററിനകത്തേക്കു
ടാക്സിപിടിച്ചു പോയവനേ
കണ്ടിരുന്നുവോ നീ
പൂപോലെ നിന്റെ മേല്‍
‍പൊഴിഞ്ഞു വീഴുന്നപ്രാര്‍ത്ഥനകളെ.......

ആള്‍ക്കൂട്ടങ്ങളില്‍
ബഹളങ്ങളില്‍
അപരിചിതരായവര്‍
‍നമ്മളിരുവരും
പേരു പോലും ചോദിച്ചില്ലയെന്നിട്ടും
എന്റെയേതുവേനലിലാണു നീ
ഒറ്റമഴത്തുള്ളിയായിറ്റിവീണതു
പരിചിതമായിരുന്നെങ്കില്‍
ഒരുകുടക്കീഴില്‍
‍നിന്നൊപ്പമൊരു മഴക്കാലമത്രയും
നടന്നേനെ ഞാന്‍.
മരണത്തിന്റെ ഒറ്റവരിപാതയിലൂടെ
സവാരിപോയവനേ
വരികളെയെന്തിനുമറന്നുവെച്ചു
എനിക്കിടക്കിടെ വായിച്ചുകരയുവാനോ?

4 comments:

കലാം said...

ജോനവന്റെ ഓര്‍മ്മകള്‍ക്ക് മുന്‍പില്‍ ആദരാജ്ഞലികള്‍...

ബ്ലോഗില്‍ മറ്റു പലരെയും എന്ന പോലെ ജോനവനെയും അറിയില്ല.
ഒന്ന് രണ്ടു തവണ പൊട്ടക്കലത്തില് എത്തിപെട്ടിട്ടുന്ടു.
ഈ അടുത്ത് manhole വായിച്ചിരുന്നു.
അത് അവസാനത്തേത് ആകുമെന്ന് അറിഞ്ഞില്ല.

കണ്ടിരുന്നു, പൂപോലെ അവന്റെ മേല്‍
‍പൊഴിഞ്ഞു വീഴുന്ന പ്രാര്‍ത്ഥനകളെ...

ഹാരിസ്‌ നന്നായിട്ടുണ്ട് ഈ കാവ്യാര്‍ച്ചന.

ഉറുമ്പ്‌ /ANT said...

നെൾനൻ വാഫ്ര പോലീസ് സ്റ്റേഷനിലാണ് ഇപ്പോൾ.
അപകടറിപ്പോർട്ട് വാങ്ങാനായി നിൽക്കുന്നു.
അതുവാങ്ങി നാളെ സബാ ഹോസ്പിറ്റലിൽ കൊടുക്കണം ഒപ്പം ടിക്കറ്റും. ടിക്കറ്റ് നാളെയേ എടുക്കുകയുള്ളു. അതിനു ശേഷം അറിയാൻ കഴിയും, എപ്പോൾ എവിടെ കൊണ്ടു വരുമെന്ന്.

ദിനേശന്‍ വരിക്കോളി said...

നീപോയി
നിന്നോടൊപ്പം നീയാത്രയായി
ഒരുകുറിമാനം തന്നുപോയി(അതില്‍നിറെ കവിതകളായിരുന്നുവല്ലോ??)
മറുകുറിനീവായിക്കുമോ? എങ്കിലും ഈ കുറിപ്പുകള്‍
നിനക്കുള്ളതാണ്....തിരിച്ചുകിട്ടാത്തസ്നേഹംപോലെ
എന്നും കാത്തിരിക്കുന്നുണ്ടാവും
അവ പൊട്ടക്കലങ്ങളല്ല വാക്കിന്‍റെ ജനിതകം...

Yesodharan said...

എന്റെയേതുവേനലിലാണു നീ
ഒറ്റമഴത്തുള്ളിയായിറ്റിവീണതു
പരിചിതമായിരുന്നെങ്കില്‍
ഒരുകുടക്കീഴില്‍
‍നിന്നൊപ്പമൊരു മഴക്കാലമത്രയും
നടന്നേനെ ഞാന്‍.
അപരിചിതരായിരിക്കുമ്പോഴും നമ്മള്‍ ചില സൌഹൃതങ്ങള്‍ മനസ്സില്‍ നിധി പോലെ കാത്തു സൂക്ഷിക്കും..അവരുടെ വേര്‍ പാട് താങ്ങാനാവുന്നതിനും അപ്പുറത്താണ്....
കവിത നന്നായിട്ടുണ്ട്...വരികളിലൂടെ യാത്ര ചെയ്തപ്പോള്‍ അറിയാത്തൊരു നൊമ്പരം മനസ്സിലൂടെ കടന്നു പോയി...